Difi Ny portal i Bømlo kommune

Forankring
Søknaden er initiert av rådmannen.

Prosjektbeskrivelse
Bømlo kommune skal etablera ei ny portalløysing som skal gi kommunen ein framtidsretta nettstad med høgast mogleg grad av brukarvennlighet, som digitale skjema, tilknyting til Min Side, bruk av LOS-standarden, sjølvbetening for innbyggjarane, tilrettelegging for syns- og høyrselshemma o.l. Portalen skal også yta service til politikarane gjennom ei SMS-teneste og bruk av elektronisk dokumentflyt.
Kommunestyret sine møte skal overførast direkte, og vera tilgjengeleg for innbyggjarane som arkivsendingar.
Bømlo formannskap tok tatt i bruk datamaskinar for fleire år sidan, og målet er at også kommunestyret skal over på ei heilelektronisk løysing.

Hovedmål og innretning
Bømlo kommune skal erstatta ein utdatert nettportal med ein framtidsretta portal som støttar krava i eKommune 2012. Portalen skal innehalda LOS-strukturen, tilrettelegging for syns- og høyrselshemma og lenke til Min Side. Sjølvbeteningsmodulen skal gjera det enklare for innbyggjarane sjølv å utføra tenester på nett ved å bruka digitale skjema som kommuniserer med fagsystem. Den nye portalen gjer det også mogleg at innbyggjarane kan få informasjon om eigne saker gjennom oppslag i innsynsmodulen. I portalen skal det liggja ei SMS-løysing som automatiserer kommunikasjonen mellom det politiske sekretariatet og politikarane. Formannskapet har for fleire år sida tatt i bruk datamaskinar for nedlasting av innkallingar og saksdokument. Målet er at kommunestyret skal gjera det same. Kommunen er på veg til å eliminera utsending av dokument i papirformat til politikarane. Dette arbeidet held fram, ikkje minst ved å leggja til rette for dette gjennom portalen Politikk, ein portal i portalen. Denne hausten er det starta eit prosjekt med direkte overføring av kommunestyremøta på nett. Den nye portalen skal vera klar ved årsskiftet 2009/2010.

Utvikling og implementering
Utvikling av ei SMS-løysing er starta og skal vera på plass i den nye portalen ved lansering rundt årsskiftet 2009/2010. Løysinga skal fungera slik at det politiske sekretariatet skal kunna skriva meldingar til politikarane gjennom portalen, dvs. at ein ikkje er avhengig av at sekretariatet tastar meldingar i mobiltelefonar. Meldingane skal sendast til ulike distribusjonslister, t.d. kommunestyret, kommunestyret med alle varamedlemmer, formannskapet, dei politiske utvala o.l. Politikarane mottar også meldingane på epost. Meldingane kan t.d. vera at innkallingar er tilgjengelege på nett, melding om ekstrasaker, endring i møtetidspunkt/-stad, melding om høyringsdokument, krisemeldingar o.l. SMS-løysinga har vore inkludert i kravspesifikasjonen, og skal vera på plass ved lansering.

Ansvarlig tilskuddsmottaker
Bømlo kommune
Rådhuset
5430 Bremnes

Kontaktperson
Simon Knutsson Sortland, Informasjonssjef 
Tlf: 53 42 30 62 / 416 33 702
Epost: simon.sortland@bomlo.kommune.no

Deltakende kommuner, fylkeskommuner og statlige virksomheter
Bømlo kommune