Undersøking om informasjonspolitikken - Difi-rapport 2009:2
Forslag til ny statleg kommunikasjonspolitikk er no ute på høyring. Under førebuinga kartla Difi kva toppleiarar og kommunikasjonsansvarlege i departement, direktorat/tilsyn og hjå fylkesmennene meiner om den gjeldande statlege informasjonspolitikken og korleis den blir praktisert.
Vi spurde om kva forventningar dei hadde til ein ny politikk og kva tema som burde omtalast. Ettersom Difi vil få eit ansvar for oppfølging av den nye politikken, var også dette tema i undersøkinga. Undersøkinga vart gjennomført i årsskiftet 2007-2008. Kommunikasjonsforeningen har gitt innspel til spørsmål og adresser. Det er høg oppslutning om å vidareføre måla og prinsippa frå den gjeldande politikken, men halvparten av respondentane ønskjer at den nye kommunikasjonspolitikken blir utforma på ein enklare og meir kortfatta måte enn i dag, og at den blir meir forpliktande.
Del med andre