Difi Opne data

Data.norge.no

Difi har lansert nettstaden data.norge.no, som er en slags «gule sider» for offentlige data i Norge. Data.norge.no er ein datakildekatalog som gjer det lettare å finne, laste ned og viderebruke datasett frå offentleg sektor. Her kan du registrere og finne andre tilgjengelige datasett, og dele og finne applikasjonar og tenester basert på opne datasett. Nettstaden er også ein møteplass for alle interesserte aktørar.

Fellesføringane for statleg sektor seier at etatane, så langt det er mogleg, skal gjere sine rådata tilgjengelege i maskinlesbare format og registrere dei på data.norge.no. Målet er at heile forvaltninga skal vere med.

Døme på opne offentlege data:

• Plassering av søppelkassar, returpunkt og så vidare
• Årsrekneskap og budsjett
• Resultat frå spørjeundersøkingar
• Adresser og kontaktinformasjon til verksemder

Nokre typar data skal ikkje vere offentlege og kan heller ikkje bli brukt vidare. Dette gjeld mellom anna:

• Personsensitive opplysningar
• Informasjon som er underlagt teieplikt
• Gradert informasjon
• Data med tredjeparts opphavsrett

Kvifor opne opp data?

• Effektivisering og innovasjon: Gjennom opne data blir kunnskap delt både i og på tvers av offentleg og privat sektor. Deling av offentlege data legg til rette for meir samordning og kreativitet.
• Næringsutvikling: Fritt tilgjengelege data skaper ein ny marknad i form av nye applikasjonar og nye tenester basert på offentleg informasjon.
• Demokratisering: Med opne data får innbyggjarane lettare tilgang til grunnlag for avgjersler og prioriteringar i offentleg sektor. Ein open kultur kan inkludere eit større publikum i dei politiske prosessane.
• Gjennomsiktighet: Med opne data får alle breiare innsikt i offentlege prosessar. Dette kan bidra til å styrke tilliten til offentleg sektor og det politiske systemet.